ਬੱਚਿਆਂ ਦੀ ਕਾਰ ਸੀਟ/ਬੈਲਟ ਲਈ ਸੁਝਾਅ

  • ਬੱਚਿਆਂ ਲਈ ਆਪਣੇ ਸੀਟ/ਬੈਲਟ ਦੀ ਵਰਤੋਂ ਜਾਰੀ ਰੱਖਣਾ ਸਭ ਤੋਂ ਸੁਰੱਖਿਅਤ ਹੈ ਜਦੋਂ ਤੱਕ ਉਹ ਉਸ ਸੀਟ/ਬੈਲਟ ਲਈ ਬਹੁਤ ਵੱਡੇ ਨਹੀਂ ਹੋ ਜਾਂਦੇ। ਜ਼ਿਆਦਾਤਰ ਬੱਚਿਆਂ ਦੀਆਂ ਸੀਟਾਂ/ਬੈਲਟਾਂ ਵਿੱਚ ਮੋਢਿਆਂ ਦੀ ਉਚਾਈ ਮੁਤਾਬਕ ਨਿਸ਼ਾਨ ਲੱਗੇ ਹੁੰਦੇ ਹਨ ਜੋ ਇਹ ਦਰਸਾਉਂਦੇ ਹਨ ਕਿ ਕੀ ਉਹ ਸੀਟ/ਬੈਲਟ ਬੱਚੇ ਲਈ ਬਹੁਤ ਵੱਡੀ ਹੈ ਜਾਂ ਬਹੁਤ ਛੋਟੀ ਹੈ।
  • ਸਭ ਤੋਂ ਸੁਰੱਖਿਅਤ ਸੀਟ ਦੀ ਚੋਣ ਕਰਨਾ ਤੁਹਾਡੇ ਬੱਚੇ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਵਿੱਚ ਪਹਿਲਾ ਕਦਮ ਹੈ। ਤੁਸੀਂ Child Car Seats(ਚਾਈਲਡ ਕਾਰ ਸੀਟਸ) ਦੀ ਵੈੱਬਸਾਈਟ 'ਤੇ ਬੱਚਿਆਂ ਦੀਆਂ ਸੀਟਾਂ ਦੀ ਸੁਰੱਖਿਆ ਰੇਟਿੰਗਾਂ ਦੀ ਜਾਂਚ ਕਰ ਸਕਦੇ ਹੋ।
  • 145 ਸੈਂਟੀਮੀਟਰ ਤੋਂ ਘੱਟ ਲੰਬੇ ਕਿਸੇ ਵੀ ਬੱਚੇ ਲਈ ਬੂਸਟਰ ਸੀਟ ਜਾਂ ਬੱਚਿਆਂ ਦੀ ਸੀਟ/ਬੈਲਟ ਵਿੱਚ ਯਾਤਰਾ ਕਰਨਾ ਸਭ ਤੋਂ ਸੁਰੱਖਿਅਤ ਹੈ
  • ਬੱਚਿਆਂ ਦੀਆਂ ਸੀਟਾਂ/ਬੈਲਟਾਂ ਨੂੰ ਫਿੱਟ ਕਰਦੇ ਸਮੇਂ ਨਿਰਮਾਤਾ ਦੀਆਂ ਹਿਦਾਇਤਾਂ ਦੀ ਪਾਲਣਾ ਕਰੋ ਜਾਂ ਇਸਨੂੰ ਬੱਚਿਆਂ ਦੀਆਂ ਸੀਟਾਂ/ਬੈਲਟਾਂ ਦੇ ਫਿਟਿੰਗ ਸਟੇਸ਼ਨ (ਬਿਹਤਰ ਵਿਕਲਪ) ਤੋਂ ਫਿੱਟ ਕਰਵਾਓ ਤਾਂ ਜੋ ਤੁਹਾਨੂੰ ਯਕੀਨ ਹੋਵੇ ਕਿ ਇਹ ਸਹੀ ਢੰਗ ਨਾਲ ਲੱਗੀ ਹੋਈ ਹੈ। Safe Seats, Safe Kids (ਸੇਫ਼ ਸੀਟਾਂ, ਸੇਫ਼ ਕਿਡਜ਼) ਪੂਰੇ ਵਿਕਟੋਰੀਆ ਭਰ ਵਿੱਚ ਬੱਚਿਆਂ ਦੀਆਂ ਸੀਟਾਂ/ਬੈਲਟਾਂ ਦੀ ਜਾਂਚ ਸੇਵਾ ਪੇਸ਼ ਕਰਦੇ ਹਨ।
  • ਜੇ ਤੁਸੀਂ ਬੱਚਿਆਂ ਦੀ ਨਵੀਂ ਸੀਟ/ਬੈਲਟ ਨਾ ਖ਼ਰੀਦਣ ਦਾ ਫ਼ੈਸਲਾ ਕੀਤਾ ਹੈ ਤਾਂ ਤੁਸੀਂ ਸਥਾਨਕ ਕੌਂਸਲ ਤੋਂ ਬੱਚਿਆਂ ਦੀ ਸੀਟ/ਬੈਲਟ ਨੂੰ ਉਧਾਰ/ਭਾੜੇ 'ਤੇ ਲੈਣ ਦੇ ਯੋਗ ਹੋ ਸਕਦੇ ਹੋ।
  • ਜੇਕਰ ਤੁਸੀਂ ਉਸ ਸੀਟ/ਬੈਲਟ ਦਾ ਇਤਿਹਾਸ ਨਹੀਂ ਜਾਣਦੇ ਹੋ ਤਾਂ ਪੁਰਾਣੀ ਬੱਚਿਆਂ ਦੀ ਸੀਟ/ਬੈਲਟ ਦੀ ਵਰਤੋਂ ਨਾ ਕਰੋ, ਬੱਚਿਆਂ ਦੀ ਸੀਟ/ਬੈਲਟ ਨੂੰ ਕਿਸੇ ਹਾਦਸੇ ਵਿੱਚ ਸ਼ਾਮਲ ਹੋਣ ਤੋਂ ਬਾਅਦ ਬਦਲਿਆ ਜਾਣਾ ਲਾਜ਼ਮੀ ਹੈ।

ਬੱਚੇ ਨੂੰ ਬਾਲਗ ਸੀਟ ਬੈਲਟ ਵਿੱਚ ਬਿਠਾਉਣਾ ਸ਼ੁਰੂ ਕਰਨਾ

ਬੱਚੇ ਨੂੰ ਬਾਲਗ਼ ਸੀਟ ਬੈਲਟ ਵਿੱਚ ਬਿਠਾਉਣਾ ਸ਼ੁਰੂ ਕਰਨ ਤੋਂ ਪਹਿਲਾਂ ਤੁਹਾਨੂੰ 5 ਪੜਾਵਾਂ ਵਾਲੀ ਜਾਂਚ ਕਰਨੀ ਚਾਹੀਦੀ ਹੈ:

  1. ਕੀ ਬੱਚਾ ਆਪਣੀ ਪਿੱਠ ਨੂੰ ਸੀਟ ਨਾਲ ਲਗਾ ਕੇ ਬੈਠ ਸਕਦਾ ਹੈ।
  2. ਸੀਟ ਦੇ ਗੱਦੀ ਦੇ ਅਗਲੇ ਕਿਨਾਰੇ 'ਤੇ ਆਰਾਮ ਨਾਲ ਮੁੜੇ ਹੋਏ ਗੋਡਿਆਂ ਨਾਲ।
  3. ਮੋਢੇ ਵਾਲੀ ਬੈਲਟ ਮੋਢੇ ਦੇ ਵਿਚਕਾਰ ਆਉਂਦੀ ਹੈ।
  4. ਲੱਕ ਵਾਲੀ ਬੈਲਟ ਪੱਟਾਂ ਦੇ ਉੱਪਰ ਨੀਵੀਂ ਹੈ।
  5. ਕੀ ਉਹ ਪੂਰੇ ਸਫ਼ਰ ਦੌਰਾਨ ਇਸ ਸਥਿਤੀ ਵਿੱਚ ਰਹਿ ਸਕਦੇ ਹਨ।

ਬੱਚਿਆਂ ਦੀਆਂ ਸੀਟਾਂ/ਬੈਲਟਾਂ ਬਾਰੇ ਹੋਰ ਜਾਣਕਾਰੀ ਪ੍ਰਾਪਤ ਕਰੋ